Члены наблюдательного совета

Байқау кеңесінің төрағасы

Айгуль Сагимбековна Акчалова 1972 жылы Жамбыл, қазіргі Тараз қаласында дүниеге келген. Ата-аналарыда осы жерден, өмір бойы темір жол саласында жұмыс істеді. Ол кеңес, қатаң тәрбиені алған. Бірақ әрдайым өз бетімен шешім қабылдайтын, ата-анасының қарсылығына қарамастан 8 сыныпты бітіріп, педагогикалық училищеге түсті.
90-шы жылдары, елден ең мықты кадрлардың кетіп жатқан кезі болатын, №11 мектеп директоры 17 жасында жұмысқа шығуды өтінген кезде, ол келісті. Оқып жүріп бір мезгілде жұмыс істеді. Оқу аяқталған кейін екі жұмыс орында қоса жұмыс атқарды. 1995 жылы тұрмысқа шықты. Жұмыс істегенде оған толығымен берілетін адам, сондықтан педагогикалық қызметін отбасы пайдасына қалдырды. Мүмкіндік болған кезде мамандығына сәйкес емес қызметтерді атқарып отырды. 2006 жылы «Түрксиб» ойын-сауық кешенін ашты. Өйткені ол шығармашылық тұлға және оған массалық дайындауға қызықсыз болды.
2008 жылы «Марракеш» элиталық мейрамханасын, екі жылдан кейін «Монтерей» жастарға арналған кешенін ашты. 2017 жылы «Ай-Мар» логистикалық компаниясын ашты. Бизнестің сонша түрін құра отырып, құрылыс бо йынша білім мен дағдыларды игерді, өйткені объектілерді жобалаумен өзі айналысатын.
Бір күні кәсіпкерлер палатасының Іскер әйелдер кеңесінің отырысына келіп, осы ұйымның мақсаттары мен міндеттері оған жақын екенін түсінді. 2016 жылдан бастап ол Іскер әйелдер кеңесінің қарапайым мүшесінен Жамбыл облысындағы «Атамекен» іскер әйелдер кеңесінің төрайымы болды.
Бұл оның уақытының көп бөлігін алады, бірақ бұл жаңа перспективаларды ашып, алға жылжуға мүмкіндік береді.

Байқау кеңесінің мүшелері

Муликова Неили Орынбасаровна, 2002 жылы Қорқыт-Ата атындағы Қызылорда мемлекеттік университетін дәрігер гигиенист-эпидемиолог мамандығы бойынша тәмамдаған.
2002 жылдан 2003 жыл аралығында - Тараз қалалық СЭС, тағам гигиенасы бөлімінің санитарлық дәрігері;
2003 жылдан 2006 жыл аралығында - Жамбыл облысы әкімияты мемсанэпидқадағалау департаментінің Тараз қаласы бойынша аумақтық басқармасының эпидемиологиялық қадағалау бөлімінің бас маманы;
2006 жылдан 2009 жыл аралығында - Жамбыл облысы әкімияты мемлекеттік санитарлық-эпидемиологиялық қадағалау басқармасы эпидемиологиялық қадағалау бөлімінің бас маманы;
2009 жылдан 2014 жылға дейін - ҚР ДСМ Мемлекеттік санитарлық-эпидемиологиялық қадағалау комитетінің Жамбыл облысы бойынша департаментінің эпидемиологиялық қадағалау бөлімінің бастығы;
2014 жылдан 2017 жыл аралығында - Қазақстан Республикасы Ұлттық экономика министрлігі Тұтынушылардың құқықтарын қорғау комитетінің Жамбыл облысының тұтынушылардың құқықтарын қорғау департаментінің инфекциялық және паразитарлық ауруларды эпидемиологиялық қадағалау бөлімінің басшысы;
2017 жылдан 2020 жыл аралығында - Қазақстан Республикасы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитеті Жамбыл облысының тауарлар мен көрсетілетін қызметтердің сапасы мен қауіпсіздігін бақылау департаментінің инфекциялық және паразиттік ауруларды эпидемиологиялық қадағалау бөлімінің басшысы;
2020 жылдың 20 ақпанынан бастап қазіргі уақытқа дейін - «Қазақстан Республикасының Денсаулық сақтау министрлігі Санитариялық-эпидемиологиялық бақылау комитеті Жамбыл облысының санитариялық-эпидемиологиялық бақылау департаменті» РММ басшысының орынбасары.

Назарбек Сержан Сәрсенбекұлы, 1986 жылы Жамбыл облысында дүниеге келген. С. Д. Асфендияров атындағы Қазақ ұлттық медицина университетін, Германия Федеративтік Республикасындағы Билефельд университетінің Қоғамдық денсаулық сақтау мектебін, сондай-ақ Қазақстан Республикасы Президенті жанындағы Мемлекеттік басқару академиясын аяқтаған. «Қоғамдық денсаулық сақтау» мамандығы бойынша денсаулық сақтау магистрі, «Мемлекеттік басқару» мамандығы бойынша «Бизнес және менеджмент» магистрі дәрежелеріне ие. Еңбек жолында Қазақстан Республикасы Денсаулық сақтау министрлігінде, Республикалық денсаулық сақтауды дамыту орталығында, Ұлттық қоғамдық денсаулық сақтау орталығында, сондай-ақ Дүниежүзілік денсаулық сақтау ұйымында (ДДСҰ) қызмет атқарды. 2021–2024 жылдары «Sapaly med Qyzmet» сервис қызметтері қауымдастығының басқарма төрағасы болды. 2025 жылғы 26 мамырдан бастап Жамбыл облысы әкімдігінің денсаулық сақтау басқармасының басшысы болып табылады.

Амина Рысбековна Кайназарова, 1978 жылы 23 қыркүйекте Тараз қаласында дүниеге келген. 1999 жылы М.Х. Дулати атындағы Тараз мемлекеттік университетін «Экономист» мамандығы бойынша бітірген. Еңбек жолын 2000 жылы Тараз қаласындағы «Темірбанк» АҚ филиалында несие бөлімінің маманы болып бастаған. 2000 жылдан 2002 жылға дейін несие бөлімінің аға маманы, несие бөлімі бастығының м.а. қызметтерін атқарды. 2002 жылдың 1 қазанынан бастап «Казкоммерцбанк» АҚ Жамбыл филиалына бөлшек бизнес секторының менеджері ретінде жұмысқа қабылданды, 2004 жылы бөлшек бизнес секторының меңгерушісі болып тағайындалды. 2006 жылғы наурызда «Қазкоммерцбанк» АҚ Жамбыл филиалы директорының бөлшек бизнес жөніндегі орынбасары лауазымына тағайындалды. 2009 жылдың қазан айында банктен өз еркімен кетті. 2009 жылдан бастап бүгінгі күнге дейін «Goodmaker» жарнамалық-өндірістік компаниясының директоры болып табылады. 2012 жылы оған «Executive Education» бағдарламасы бойынша Жоғары бизнес мектебінің түлегі мәртебесі берілді. Қаланың және облыстың қоғамдық өміріне белсенді қатысады. 2014 жылдың желтоқсан айында Жамбыл облысының іскер әйелдер қауымдастығына кірді. 2015 жылдың маусым айында «Асыл Бала» республикалық қауымдастығының Жамбыл облыстық филиалының директоры болып сайланды, 2016 жылдың 30 тамызына дейін қызмет атқарды. 2015 жылдың қыркүйегінен 2017 жылдың қыркүйегіне дейін Жамбыл облысының саясаткер әйелдер клубы төрағасының орынбасары қызметін атқарды. 2016 жылдан бастап қазіргі уақытқа дейін Тараз қаласы бойынша Жамбыл облысының іскер әйелдер қауымдастығының төрағасы болып табылады. 2016 жылғы наурыздан бастап 6-сайланған Тараз қалалық мәслихатының депутаты. 2018 жылдың қыркүйек айынан бастап «Атамекен» Ұлттық Кәсіпкерлер палатасы Өңірлік кеңесінің мүшесі. Қазақстан Республикасының Мемлекеттік хатшысы, Жамбыл облысының әкімі, Тараз қаласының әкімі, Қазақстанның іскер әйелдер қауымдастығының төрағасы атынан бірқатар грамоталар мен алғыс хаттарға ие.

Амир Кайратханулы Нурсеитов 1992 жылы 2 сәуірде Жамбыл облысы Тараз қаласында дүниеге келген.
2007 жылы №24 гимназия мектебінің 9-сыныбын бітіріп, содан кейін Тараз қаласының қазақ-түрік есеп-экономикалық колледжінде менеджмент мамандығы бойынша оқуын жалғастырды. 2011 жылы Астана қаласындағы Назарбаев университетінің механикалық инженерия факультетіне грантқа түсті.
2012 жылы Малайзиядағы Тэйлорс университетіне (Селангор штаты) ауысып, бизнес-әкімшілік мамандығы бойынша оқуын жалғастырды. 2014 жылы бизнес-әкімшілік бакалавры дәрежесін алды.
2013 жылдың қаңтарынан бастап 2018 жылдың сәуіріне дейін «Әмір және Д» ЖШС-де қаржы директоры және директордың орынбасары болып жұмыс істеді.
Бүгінгі таңда Тараз қаласындағы «ДАНУР Трейд» ЖШС-нің директоры және жалғыз құрылтайшысы болып табылады. Сонымен қатар, Алматы қаласындағы «Parasat Pharma Medical» ЖШС-гі маркетингтік фармацевтикалық компаниясының құрылтайшысы болып табылады. Бұдан басқа, жеке кәсіпкер ретінде «Нурсеитов А.К.» ЖК кәсіпкерлік қызметті жүзеге асырады. Тараз қаласы, 9 мөлтек ауданы, 31 «А» үй мекенжайында орналасқан скверді сенімді басқарушы ретінде өз қаражаты есебінен балалар білім беру орталығын, балалар дәмханасын және дәріханасын салған.

Иманбекова Шолпан Сембекқызы 1959 жылы Жамбыл облысында дүниеге келген.

1976 жылы Жамбыл қаласындағы №3 орта мектепті бітіріп, Ақтөбе мемлекеттік медициналық институтының емдеу факультетіне оқуға түсіп, оны 1982 жылы тәмамдаған.

Интернатурадан өткеннен кейін, 1983–1991 жылдар аралығында Көлік және коммуникация министрлігінің денсаулық сақтау жүйесінде дәрігер-терапевт болып қызмет атқарды. 1991 жылы Жамбыл қаласындағы теміржол ауруханасына бас дәрігердің орынбасары болып тағайындалды. Кейін облыстық диагностикалық орталықта және облыстық ауруханада бас дәрігердің ұйымдастыру-экономикалық жұмыстар жөніндегі орынбасары қызметін атқарды

2009–2017 жылдар аралығында Тараз қаласындағы №5 қалалық емхананың бас дәрігері қызметін атқарды.

Денсаулық сақтау саласындағы еңбек өтілі — 30 жылдан астам. Денсаулық сақтау саласының жоғары санатты ұйымдастырушысы.

Кәсіби қызметі мен еңбегі үшін келесі марапаттарға ие болды: 2007 жылы — «Денсаулық сақтау үздігі» төсбелгісі; 2011 жылы — «Гиппократ» медалі; 2011 жылы — «Қазақстан Республикасының Тәуелсіздігіне 20 жыл» мерекелік медалі; «Даңқ жұлдызы – Қазақстан экономикасы» ордені; 2014 жылы — «Жыл маманы – 2014» ұлттық сертификаты. Жамбыл облысы әкімінің және «Нұр Отан» партиясының Құрмет грамоталары мен алғыс хаттары.

2008 жылдан бастап «Нұр Отан» партиясының, Денсаулық сақтау ардагерлері кеңесінің және «Primary Health Care» ұлттық медициналық қауымдастығының мүшесі.

2012 жылы қалалық мәслихат депутаты болып сайланып, Тараз қаласы мәслихатының шешімімен «Тараз қаласының Құрметті азаматы» атағына ие болды. Халықаралық жобаларға белсене қатысып, Финляндияда халықаралық ынтымақтастық бойынша тәжірибе алмасудан өткен.

Өмірлік ұстанымы — отандық денсаулық сақтау жүйесін дамыту және халық игілігіне қызмет ету.

Кеңесбек Бекжан Айдарұлы 1995 жылғы 16 шілдеде Жамбыл облысы, Байзақ ауданында дүниеге келген. 2010–2013 жылдары М.Х. Дулати атындағы Тараз мемлекеттік университетінің Көпсалалы колледжінде «Құқықтану» мамандығы бойынша білім алды. 2013–2016 жылдары Халықаралық Тараз инновациялық институтында «Экономика және бизнес» мамандығы бойынша, ал 2016–2018 жылдары аталған институтта «Құқықтану» мамандығы бойынша жоғары білім алды.

Еңбек жолын 2013 жылғы 2 қазанда «Жамбыл облысы Байзақ ауданы Бәйтерек ауылдық округі әкімінің аппараты» коммуналдық мемлекеттік мекемесінде құжаттама құрылымдық бөлімшесінің жетекші маманы лауазымынан бастады. Бұл қызметті 2015 жылдың 7 тамызына дейін атқарды. Кейінгі кезеңдегі еңбек өтілі:

07.08.2015 – 12.01.2016ж. — Бәйтерек ауылдық округі әкімінің аппаратында құжаттама құрылымдық бөлімшесінің іс-жүргізу жөніндегі бас маманы; 13.01.2016 – 17.03.2016ж. — Байзақ ауданы әкімі аппаратының ұйымдастыру және мемлекеттік-құқықтық жұмыс бөлімшесінде бас маман – кәмелетке толмағандардың құқықтарын қорғау жөніндегі комиссия хатшысы; 17.03.2016 – 17.06.2016ж. — қызметін қайта тағайындау негізінде сол бөлімшеде жұмысын жалғастырды; 17.06.2016 – 31.05.2017ж. — Байзақ ауданы әкімі аппаратының ұйымдастыру-инспекторлық бөлімшесінде бас маман – комиссия хатшысы; 02.06.2017 – 09.08.2019 ж. — ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің мемлекеттік көрсетілетін қызметтер басқармасының бас маманы; 09.08.2019 – 17.03.2021 ж. — ҚР Мемлекеттік қызмет істері агенттігінің Жамбыл облысы бойынша департаментінде сол лауазымда қызметін жалғастырды; 17.03.2021 – 08.06.2022 ж. — аталған департаменттің әкімшілік басқармасының басшысы; 09.06.2022 – 14.09.2023ж. — ҚР Мемлекеттік қызмет істері агенттігінің Мемлекеттік аппаратты бюрократиядан арылту, мемлекеттік қызметтердің көрсетілу сапасын бағалау және бақылау департаментінде басқарманың бас сарапшысы; 15.09.2023 – 18.09.2024ж. — ҚР Мемлекеттік қызмет істері агенттігінің Әкімшілік департаментінің ұйымдастыру жұмысы бойынша басқармасының басшысы.

2024 жылғы 19 қыркүйектен бастап қазіргі уақытқа дейін Жамбыл облысы әкімі аппараты басшысының орынбасары лауазымында қызмет атқарып келеді. Үйленген. Бір қыз және бір ұл тәрбиелеп отыр.

Секретарь наблюдательного совета

А.Тортаева - юрист ГКП на ПХВ "Городская поликлиника №5 УЗАЖО. Контактные данные: раб.тел.:8(7262) 54- 47-15 (вн. 159), электронный адрес Этот адрес электронной почты защищен от спам-ботов. У вас должен быть включен JavaScript для просмотра.